Алматыда мас жүргізушінің кесірінен бес көлік соқтығысты

ERNUR.KZ. Алматыда мас жүгізуші жаппай жол апатына себепші болды, деп жазады Tengrinews.kz.

Әлеуметтік желіде Алматы көшелерінің бірінде болған жол апатының видеосы пайда болды. Жазба сипаттамасында әл-Фараби даңғылы мен Садықов көшесі маңында мас жүргізушінің кінәсінен бес көлік соқтығысқаны жазылған.

Алматы полициясы бұл ақпаратты растады. 28 наурызда Toyota Highlander көлігінің мас күйдегі жүргізушісі батыс бағытта Саин көшесінде келе жатып, арақашықтықты сақтамай Toyota Corolla көлігімен соқтығысқан.

"Соқтығыстан кейін Toyota Highlander автокөлігі Skoda маркалы автокөлікке соқтығысты. Ал Toyota Corolla автокөлігі инерция бойынша Kia Rio көлігін қағып кетті. Жол-көлік оқиғасы салдарынан жолаушы жарақат алды", - деді Алматы қаласы ПД анықтау басқармасының бастығы полиция подполковнигі Олжас Шәріпов.

Мас жүргізуші Бостандық аудандық полициясына жеткізілді.