Қызылордада ҰБТ-дан жоғары балл жинау үшін ақша бергендер сотталды

ERNUR.KZ. Қызылордада ақшалай сыйақы үшін бір топ адам түлектерге, мұғалімдер мен мектеп басшыларына ұлттық бірыңғай және біліктілік тестілеуінен сәтті өтуге көмектескен, деп жазады tengrinews.kz.

Ведомствоның баспасөз қызметі өкілдерінің мәліметінше, алты айыпталушы ақпараттандыру және байланыс саласында ауыр қылмыс жасаған.

"С. және Д. есімді азаматтар ақшалай сыйақы алу мақсатында заңсыз тестілеуді ұйымдастыру үшін "F" ЖШС-ның техникалық директорымен шарт жасасты. Келісімге сәйкес, Ұлттық тестілеу орталығының "компьютерлік тестілеу" базасына заңсыз қашықтықтан қосылуды филиал операторы А. жүргізуі керек еді, ол үшін оған сыйақы үлесі уәде етілді", - деп хабарлады соттың баспасөз қызметі өкілдері.

Схеманың тағы бір қатысушысы - IT маманы тестіленушілердің компьютерлеріне қашықтан қол жеткізуді қамтамасыз ететін арнайы құрылғы дайындап, оны серіктесіне берген.

Осылайша, А. есімді оператор Ұлттық тестілеу орталығының "компьютерлік тестілеу" деректер базасына қашықтан қосылу арқылы 100-ден аса тестілеу компьютерлеріне заңсыз қосылып, заңсыз рұқсат алып, тестілеу кезінде тест сұрақтарын көшіріп, дұрыс жауаптарын алды. VNC Viewer және AnyDesk қосымшалары арқылы тестілеушілерге жоғары ұпайлар жиналды. Ал қылмыстық топ тиісті сыйақы алған.

"Сотталушылардың заңсыз әрекеттерінің салдарынан мемлекетке 27 594 052 теңге көлемінде материалдық шығын келтірілген. Алайда соталды тергеп-тексеру барысында келтірілген залал толығымен өтелді", - деп хабарлады Қызылорда №2 сотының баспасөз қызметі өкілдері.

Іс процестік келісіммен сотқа жолданды.

Сот үкімімен сотталушылар А. және К. есімді адамдар кінәлі деп танылып, оларға үш жыл мерзімге бас бостандығынан айыру жазасы тағайындалды. Бұл іс бойынша басқа айыпталушылар да дәл осындай мерзімге жазаланды.

"Барлық сотталушы Қылмыстық кодекстің 63-бабы 1-бөлігіне сәйкес шартты түрде сотталды", - делінген хабарламада.

Үкім заңды күшіне енген жоқ.