ҚР жедел медициналық жәрдем қызметі 2018 жылғы 4 ай ішінде 2,5 млн артық шақыртуға қызмет көрсетті

ҚР жедел медициналық жәрдем қызметі 2018 жылғы 4 ай ішінде 2,5 млн артық шақыртуға қызмет көрсетті, бұл 2017 жылғы шақырту санының салыстырмалы кезеңінен 5% артық, деп хабарлайды ERNUR.KZ ҚР ДСМ ресми сайтына сілтеме жасап.

Халықтың жедел медициналық көмекке жасалған өтінімдерінің негізгі себептері тыныс алу органдарының аурулары (24%), жүрек-қан тамырлары аурулары (21%), неврологиялық аурулар (7%), улану мен жарақаттар, оның ішінде ЖКО-да (6%), инфекциялық аурулар (5%), акушерлік және гинекологиялық аурулар (5%), асқазан-ішек жолдарының аурулары (4%), құрсақ қуысының жіті хирургиялық аурулары (4%), зәр шығару жолдарының аурулары (3%) және басқа да (19%) аурулар болып табылады.

2018 жылғы бірінші тоқсандағы статистикалық мәліметтерге сәйкес, республикада өткен жылдың ұқсас кезеңімен бастап салыстырғанда кешігіп қызмет көрсетілген шақырулар саны 0,7% азайтылды. Жедел жәрдем кешігуінің санына мына сияқты көптеген факторлар әсер ететінін айта кету керек: санитариялық автокөлік тозуының үлкен пайызы, жолдардағы мәселелер, пациенттер тұрған жерінің бұрыс мекенжайы және т. б.

Кешігіп орындалған шақыру санын азайту мақсатында бірқатар ұйымдастырушылық-басқарушылық шешімдер қабылдау: науқас жағдайының ауырлығына байланысты жедел медициналық көмек қызметін көздейтін сараланған тәсілімен жедел медициналық көмек көрсету реформасы өткізілді, «қарбалас», мереке күндері, эпидемиологиялық жағдайдың маусымын есепке ала отырып бригадалардың шығуы күшейтілді, GPS-навигациясымен жарақтандыру жоғарылады, санитариялық көліктің жаңа дизайны енгізілген және бригада келуінің ұтқырлығы үшін сигналдық сирена қуат нормалары бойынша өзгертулер енгізілді.

Бұған қоса, жедел медициналық көмек бригадасының қатысуымен ауруханаға дейінгі өлім үлесін азайту: мысалы,ағымдағы жылдың 1-тоқсанның қорытындысы бойынша жедел медициналық көмек бригадасының қатысуымен ауруханаға дейінгі өлім үлесі жалпы ауруханаға дейінгі өлім үлесінің 4,2% құрады.

Өткен жылдың 1-тоқсанының қорытындысы бойынша аталған көрсеткіш 4,9% құраған болатын. Бұл ретте, бұл көрсеткіштің айтарлықтай төмендеуі Батыс Қазақстан (3,5%), Қарағанды облысы (3,2%), Қызылорда (3,4%), Солтүстік Қазақстан облысында (2,8%) байқалады.

Көрсетілетін көмектің жеделдігін және сапасын арттыру мақсатында материалдық-техникалық база күшейтіледі. Бүгінде санитариялық автокөлікпен жедел медициналық көмек қызметін қамтамасыз ету көрсеткіші 94% - ды құрайды.

2018 жылдан бастап еліміздің барлық медициналық жедел жәрдем көліктері бірыңғай жүйеленген республикалық стандартқа келтіріледі: күлгін түсті элементтерді шағылыстыратын лимон сары түсімен боялады, сигнал дыбыстарды дабыл қағу күшейтіледі. ЖМК станциясының медициналық жабдықтармен және бекітілген стандарттарға сәйкес медициналық мақсаттағы бұйымдармен жабдықталуы республика бойынша 86% құрады. GPS-навигация жүйесіне қатысты ҚР бойынша бүгінгі көрсеткіш 98% құрайды, бұл 2017 жылғы көрсеткіштен 13% - ға жоғары.

Сондай-ақ, жедел көмек көрсетудің халықаралық стандарты (ACLS, PALS, PHTLS) сертификатталған жаттықтырушылармен жедел медициналық жәрдем қызметі қызметкерлерін жаппай оқыту ҚР бірінші тоқсанында 2018 жылы өткізілген реанимация жалпы санының 56,8% құрайтын, сәтті реанимация көрсеткішінің елеулі өсуіне әкелді. Өткен жылдың осы кезеңімен салыстырғанда бұл көрсеткіш 29% -ды құраған болатын. Атап айтқанда, Қарағанды облысында бұл көрсеткіш 42,1% - ға өсті, Батыс Қазақстан облысында 37,5% - ға, Қызылорда облысында 30% - ға, Ақтөбе облысында 29,2% - ға өсті.

2017 жылғы шілде айында басталған жедел медициналық көмек қызметінің бұл реформасы шұғыл медициналық көмек көрсетудің екі деңгейлі жүйесін енгізуді, жедел және шұғыл медициналық көмек көрсету сараланған тәсілін қолдануды, өңірлерде шақыртуларды басқарудың бірыңғай ақпараттық жүйесін енгізуді, кадрлық әлеуетін арттыруды, жедел медициналық жәрдем қызметкерлерін халықаралық стандарттарға сәйкес оқытуды, материалдық-техникалық жарақтандыруды, санитариялық көлік жән күшейтуді, жаңғыртуды білдіретін атап өту қажет.

Әлеуетті арттыру және жаңғырту бойынша жүзеге асырылатын іс-шаралармен жедел медициналық көмек көрсету қызметі жүргізіп жатқан реформа сайып келгенде, халықтың өлім-жітімін төмендетуге, қолжетімділікті жоғарылатуға және еліміздің халқына көрсетілетін медициналық көмек сапасын арттыруға бағытталған.