Талдықорғанда көлік мопедті қағып кетті: 13 жастағы жасөспірімнің жағдайы белгілі болды

ERNUR.KZ. Талдықорғанда Тойота Камри автокөлігі мопед тізгіндеген 13 жастағы жасөспірімді қағып кетті, деп жазады tengrinews.kz.

Видеода Талдықорғанның басты көшесімен бірнеше көліктің жылдамдықпен келе жатқаны көрсетілген. Жол қиылысында көліктердің бірі мопедпен соқтығысады.

"Тойота Камри көлігі Абылай хан - Сланов көшелерінің қиылысында 13 жастағы мопед жүргізушісін қағып кетті. Жасөспірім түрлі жарақаттармен ауруханаға жеткізілді", - деді Жетісу облыстық полиция департаментінің баспасөз қызметі.

Оқиға дерегі бойынша қажетті сараптамалар тағайындалып, ҚР Қылмыстық кодексінің 345-бабы бойынша сотқа дейінгі тергеу амалдары жүргізіліп жатыр. Көліктер айыппұл тұрағына қойылды.

"Тергеу кезінде жапондық шетелдік автокөлік жүргізушісіне қатысты "Келуге міндетті" процессуалдық мәжбүрлеу шарасы таңдалды", - деді полиция қызметкері.

Алматыдағы №2 қалалық балалар клиникалық ауруханасының мәліметінше, науқас 2009 жылы туылған. 20 шілдеде сағат 16:46 да көпсалалы облыстық балалар ауруханасына ауыр полижарақаттану диагнозымен түсті. Травматикалық бас миының жарақаты - ми қызметінің уақытша немесе тұрақты бұзылуына әкелетін ми тінінің физикалық зақымдануы болған. Травматикалық шок 3 дәрежелі.

Көптеген жарақатқа байланысты баланың жағдайы өте ауыр.