Тина Канделаки Қазақстанға кірмейді – Сыртқы істер министрлігі

0
725

Ресейлік журналист Тина Канделаки Қазақстандағы теміржол вокзалдарының атауын қазақша өзгертуге қарсы мәлімдеме жасап, басы дауға қалған болатын.


Тина Канделаки Қазақстанға кірмейді – Сыртқы істер министрлігі

ERNUR.KZ. Бұл туралы ҚР Сыртқы істер министрлігінің ресми өкілі Айбек Смадияров БАҚ өкілдеріне арналған брифингте айтты, деп жазады baq.kz.

БАҚ өкілдері Смадияровтан "Ресейдің белгілі тележурналисі Тина Канделаки Қазақстан туралы соңғы айтқанынан кейін елге кірмейтін азаматтар тізіміне қосыла ма?" деп сұрады.

Тізім – әрбір мемлекеттің ішкі шарасы. Сізге біреу ұнамаса, өз үйіңізге кіргізбейсіз ғой. Тура сол сияқты біз де кіргізбейміз. Мемлекет ондайды ешқашан кешірмейді. Тина Канделаки Қазақстанға келген жағдайда кірмейді, - деді ресми өкіл.

Ол "көрші елдегі азаматтар, өзіміздің достарымыз біздің ел туралы білмейтіні өкінішті" екенін айтты.

Сондай-ақ бұл мәселе бойынша Сыртқы істер министрлігі жауап бермейтінін жеткізді.

Қоғам өзі жауап берді ғой. Қызу талқы болды. Оған не қосайын? Өз есесін алды ғой. Біздің ел туралы айта берген әрбір шетел азаматына жауап бере берсек, өзімізді ұмытып қаламыз. Қаншама ішкі мәселеміз бар, соған көңіл бөлейік, - ресми өкіл.

Айта кетейік, ресейлік журналист Тина Канделаки Қазақстандағы теміржол вокзалдарының атауын қазақша өзгертуге қарсы мәлімдеме жасап, басы дауға қалған болатын.