Жеңілдетілген автонесие: қазақстандықтардың бес мыңнан астам өтінімі мақұлданды

0
409

Қазақстанда жеңілдетілген автонесие 2022 жылдың 16 мамырынан бастап беріле бастады.


Жеңілдетілген автонесие: қазақстандықтардың бес мыңнан астам өтінімі мақұлданды

ERNUR.KZ. 2022 жылдың 25 мамырындағы таңғы жағдай бойынша жеңілдетілген автонесие бағдарламасына 16 мыңнан астам қазақстандық өтініш білдірген, деп жазады zakon.kz.

Қазақстан автобизнес қауымдастығының баспасөз қызметінің мәліметінше, 25 мамырдағы таңғы жағдай бойынша жеңілдетілген автонесие алуға 16 224 өтініш қабылданған. Оның 5413-і бекітілген.

Қазақстанда жеңілдетілген автонесие 2022 жылдың 16 мамырынан бастап беріле бастады. Төрт банк Индустриялық даму қорынан рұқсат алды.

Қазақстандықтардың көптеген өтініштерінен кейін бағдарламаға өзгерістер енгізілді. Мәселен, жеңілдетілген автокөлік несиесін рәсімдеу үшін VIN-кодтың болуы талабы алынып тасталды.

Мамырдың 23-і күні «Индустриялық даму қоры» АҚ басқарма төрағасының орынбасары Жанар Ибрашева бағдарлама басталғалы бері жеңілдетілген автонесие бойынша 34 автокөлік сатып алынғанын айтты.