Мәскеудегі Кремль кубогы қазақстандықтар үшін сәтсіз болды

15 – 21 қазан аралығында өтетін турнирдің жүлде қоры 867 766 АҚШ долларын құрайды. Турнирдің 1/8 финалында қыздар арасында қазақстандық теннисші Юлия Путинцева латвиялық Анастасия Севастоваға қарсы кортқа шықты. Алғашқы сетте отандасымыз 5:2 есебімен алға шыққан болса да, қарсыласына қатарынан 5 партияда есе жіберіп, 5:7 есебімен жеңіліп қалды.

Екінші сетте Путинцева қатесініен дұрыс шешім шығарып, жойқын соққыларымен Севастоваға ешқандай мүмкіндік қалдырмады есеп – 6:4. Бірақ, соңғы шешуші партияда әлемнің 11 – ракеткасы Анастасия Севастова отандасымызды 6:4 есебімен жеңіп келесі айналымға жолдама алды. Матч жалпы 2 сағат 26 минут жалғасты.