"Реал" осы маусымда алғаш рет қарсыласын ұта алмады

ERNUR.KZ. Испания чемпионатының жетінші турындағы өз алаңындағы ойында мадридтіктер "Осасунаны" ұта алмады, деп жазады vesti.kz.

Мадридте өткен ойын 1:1 есебімен аяқталды. 42-минутта алаң иелерінен Винисиус Жуниор есеп ашты. 50-минутта Кики Гарсия есепті теңестірді. Осыдан кейін Давид Гарсия алаңнан қуылып, қонақтар азшылықта қалды. Дегенмен мадридтіктер бұл мүмкіндікті сәтті пайдалан алмады. Ал 79-минутта Карим Бензема пенальтиді сәтсіз орындады.

Осылайша, "Реал" осы маусымда алғаш рет чемпионатта жеңіске жете алмады. Команда турнир кестесінде 19 ұпаймен екінші келеді. "Осасуна" 13 баллмен алтыншы орында.

8 қазандағы келесі ойында "Реал" сырт алаңда "Хетафемен", ал бір күн бұрын "Осасуна" өз алаңында "Валенсиямен" ойнайды.