Бұл күлшеге жұмыртқа да, қант та қоспаймыз. Ұнның орнына ұнтақ жармасын пайдаланамыз. Осылайша пайдалы әрі тәтті печенье дайындаймыз. Бұл күлше балаларға ұнайды.
Қажетті қоспалар:
- 2 дана алма
- 80 гр. ұнтақ жармасы (манка)
- 130 гр. күріш ұны немесе бидай ұны
- 50 мл өсімдік майы
- ½ шай қасық қамыр қопсытқыш.
Дайындалу тәсілі:
- Алмалардың қабығын аршып, ірі үккіштен өткіземіз. Шұңғыл табаққа салып, лимон шырынын себелейміз.
- Үккіштен өткізілген алмаға ұнтақ жармасын қосып араластырамыз да, бетін пленкамен жауып, тоңазытқышқа саламыз. 1 сағат тұруы керек. Осы уақытта ұнтақ жармасы көпси бастайды.
- 1 сағаттан кейін алманы тоңазытқыштан алып, 50 мл өсімдік майын қосамыз. Артынша 130 гр. күріш ұны мен қамыр қопсытқышты салып, барлығын жақсылап араластырамыз.
- Пісірмеге арналған табаға пергамент қағазын салып, май жағамыз. Содан соң алма қосылған қамырды жайып салып, төртбұрышты бөліктерге бөліп, кесіп шығамыз.
- Пешті 180 градусқа дейін қыздырып, табаны саламыз да, күлшемізді 35 минут бойы пісіреміз.
- Дәмді күлшеміз де дайын! Шай ішерде осындай күлше әрдайым дастарханыңыздан табылсын!
Дайындаған: Қ.Өмірзаққызы,
ТАҒЫ ДА ОҚЫҢЫЗ:
Хит тағам: картоптан жасалған «ұяшықтар»
5 минутта дайындалатын ТОРТҚА арналған КРЕМДЕР
