Үкім заңды күшіне енді.
Фото: Солтан Жексенбеков/ Kazinform
ERNUR.KZ. Алматы қаласының Қылмыстық істер жөніндегі мамандандырылған ауданаралық соты кінәні мойындау туралы процестік келісімінің негізінде Қаңтар оқиғалары кезінде жеткізілген адамға азаптауды қолданғаны үшін (ҚК-нің 146-бабы) айыптау үкімін шығарды, деп жазады inform.kz.
Қылмыстық істі Алматы қаласының арнайы прокурорлары тергеп-тексерді.
Прокурорлар 2022 жылғы 8 қаңтарда Алмалы ауданының Полиция басқармасында кінәлі полиция қызметкерінің жеткізілген азаматқа қатысты азаптауларды қолданғанын дәлелдеді.
«Полиция қызметкерінің құқыққа қарсы әрекеттерінің нәтижесінде жәбірленушіге дене азабы келтірілген.
Кінәні мойындау туралы процестік келісімін ескере отырып, сот үкімімен сотталушыға арнайы атағынан және мемлекеттік қызметте жұмыс істеу құқығынан айыра отырып, 2 жыл 6 ай мерзімге бас бостандығын шектеу түріндегі жаза тағайындалды», — деп жазды Бас прокуратурадан.
Үкім заңды күшіне енді.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
