24 және 25 жастағы екі күдікті ұсталды.
Фото: Zakon.kz
ERNUR.KZ. Атырау қаласының тұрғыны 23 жастағы Яна Легкодимова 2024 жылдың 18 қазанында үйінен шығып кетіп, жоғалып кеткен. Полицейлер қыздың өлтіріліп, өзенге лақтырып кеткенін анықтады, деп жазады zakon.kz.
Атырау облыстық полиция департаментінің баспасөз қызметі хабарлағандай, аталған факті бойынша ҚР Қылмыстық кодексінің "Адам ұрлау" және "Адам өлтіру" баптары бойынша қылмыстық іс қозғалды. Қыздың денесі әлі табылған жоқ;
"Кешенді тергеу амалдары басталып, 24 және 25 жастағы екі күдікті ұсталып, уақытша ұстау изоляторына қамалды.Жедел іздестіру жұмыстары барысында күдіктілер тұншықтырып өлтірілген қыздың денесін Махамбет ауданы, Талдыкөл ауылының маңында Жайық өзеніне лақтырып жібергені анықталды. Оны Атырау облысы Төтенше жағдайлар департаментінің сүңгуірлерімен бірге іздеп жатыр. Тергеу мүддесі үшін өзге мәліметтер жария етілмейді", — деп хабарлады Атырау облыстық полиция департаментінің баспасөз қызметі.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
