ШЫМКЕНТ: дәрігерлер жүрегі тоқтаған 38 жастағы науқастың өмірін құтқарып қалды

26.03.2025 16:21

334

Шымкентте аурухананың қабылдау бөліміне клиникалық өлім жағдайында жедел жәрдеммен жеткізілген 38 жастағы науқасды дәрігерлер аман алып қалған.

Науқастың жүрегі тоқтап қалған. Бірақ медицина қызметкерлерінің жедел әрі үйлесімді әрекетінің арқасында өмір үшін маңызды секундтар босқа кетпеді. Реанимациялық шаралар дер кезінде жүргізіліп, науқастың жүрек қызметі қалпына келтірілді.

Науқастың туыстарының айтуынша, ол үйінде кенеттен құрысып, есінен танып қалған. Белгілі болғандай, пациент эпилепсия диагнозымен есепте тұрады. Кенеттен басталған талма жүрек қызметінің тоқтауына әкелуі мүмкін, сондықтан бұл жағдайдың қаншалықты қауіпті екенін дәрігерлер жақсы түсінеді.

Қазіргі таңда науқас есін толық жинап, жағдайы біртіндеп тұрақтануда. Оны әрі қарай бақылау мен кешенді емдеу жұмыстары жалғасады.