Шымкент қаласының әкімі азаматтардың мәселелерін тыңдады

26.03.2025 16:33

382

Бүгін Шымкент қаласының әкімі «Amanat» партиясы филиалының қоғамдық қабылдауында азаматтардың мәселесін тыңдады.

Филиал төрағасы, салалық басқарма басшылары және аудан әкімімен бірге қала тұрғындарын алаңдатқан өзекті мәселелерді талқылады.

Тұрғындардың басым бөлігі баспана, жер қатынастары, білім және көлік мәселелерін көтерді. Сонымен қатар көпқабатты үйлерді ағымдағы жөндеу, жаңғырту, көше мен аулаларды жарықтандыру бойынша өтініштер айтылды.

Қала басшысы әрбір азаматтың мәселесін мұқият тыңдап, шешу жолдарын ұсынды. Барлық көтерілген мәселе заң аясында қаралып, атқарылған жұмыстың нәтижесі тұрғындарға жақын арада жолданады.