Канадада қазақстандық студентті көлік қағып, қайтыс болды

ERNUR.KZ. Канаданың Торонто қаласында болған оқыс оқиғадан екі студент қаза тауып, біреуі жарақат алды, деп жазады Stan.kz.

Жергілікті биліктің хабарлауынша, зардап шеккендердің бірі Қазақстан азаматы. Жергілікті биліктің хабарлауынша, үшеуі де Торонтодағы колледждердің бірінде оқыған.

Жол апаты 22 желтоқсанда, кешкі уақытта орын алған.

«Осы апаттың үш құрбаны - шетелдік студенттер. Олар демалыс кезінде біздің "Прогресс" кампусында болды», - деді Centennial College вице-президенті Мэрилин Хери.

Олар мектептегі апат құрбандарының аты-жөндерін жария еткен жоқ, дегенмен олардың екеуі Қытайдан келген студенттер екені белгілі, олар ағайынды екен. Соқтығысудың үшінші құрбаны - қазақстандық.

Global News хабарлауынша, үш жігіт апаттан кейін бірден ауруханаға жеткізілген. Алайда олардың екеуін құтқару мүмкін болмады - олар жарақаттан ауруханада қайтыс болды. Басылымның хабарлауынша, зардап шеккендердің бірі 19 жастағы қазақстандық Дамир Құсайын болған.

Үшінші жәбірленуші - 20 жастағы Қытай азаматы. Басынан көптеген жарақат алған ол ауруханада жатқызылған.

Оқу орнының әкімшілігі 23 желтоқсан, дүйсенбіде қайтыс болған және зардап шеккендердің туыстарымен байланыс орнатуы керек болатын, деп жазады газет.

Полиция басылымға жігіттерді жаяу жүргіншілер өткелінде қағып тастағанын айтты. Болжам бойынша, жүргізуші жоғары жылдамдықпен келе жатып, көлікті басқара алмай қалған. Алдымен ол аялдамаға соғылып, содан кейін жаяу жүргіншілерді қағып кетті. 40 жастағы жүргізуші ұсталды. Оған 9 пункті бойынша айып тағылды.

Басылымның мәліметінше, ол әйелімен бірге кепілдікпен босату туралы сот отырысы кезінде көз жасын тыя алмады. Алайда оның өтініші орындалмады - ол 3 қаңтарға дейін қамауда болады, деп жазады газет.