Өзбекстан үкіметі отставкаға кетті

ERNUR.KZ. Өзбекстан үкіметі Олий Мажлистің (Парламенттің төменгі палатасы) жаңа құрамының алдында өз өкілеттігін тоқтатты, деп жазады inbusiness.kz.

Министрлер кабинеті өкілдерінің өкілеттігі Өзбекстан Республикасы Конституциясының 98-бабына сәйкес тоқтатылғаны хабарланды. Бұл құрам жаңа құрам тағайындалғанға дейін жұмысын жалғастыратын болады.

Белгілі болғандай, жаңа премьер-министрдің кандидатурасы 21 қаңтарда өтетін парламенттің қос палатасының біріккен отырысында қаралады.