Жапонияның орталық бөлігінде жерасты дүмпулері жалғасып жатыр

Жапонияның метеорологиялық агенттігінің хабарлауынша, Ното түбегіндегі жер сілкінісінің саны бірте-бірте азайып келе жатқанымен, сейсмикалық белсенділік әлі бәсеңсімеген.

Сейсенбіде Сика қаласында жапондық шкала бойынша 0-ден 7-ге дейін, қарқындылығы 5-тен төмен жер сілкінісі болды.

Сәрсенбі күні таңертеңгі жағдай бойынша, 1 қаңтардағы жер сілкінісінен бері қарқындылығы 1 немесе одан жоғары 1429 жерасты дүмпуі тіркелді.

Жер сілкінісінен зардап шеккендердің мәселесін салқын күн райы да қиындатып тұр. Сәрсенбі күні таңертең Сика қаласында түнгі температура -4°C-қа дейін, Исикава префектурасындағы Судзу қаласында -3°C-қа дейін төмендеді. Көршілес Тояма қаласындағы префектурада ауа температурасы -2,9°С-қа дейін салқындады.

Эвакуацияланған адамдардың көбісі баспаналарда ұзақ тұру салдарынан ауырып жатыр.

Бұған дейін Жапониядағы жер сілкінісі құрбандарының саны 221 адамға жеткені хабарланған болатын.

Қаза болғандардың ішінде 13 адам уақытша баспанада денсаулығының нашарлауынан қайтыс болды деп шамаланып отыр.