ТҰТЫҒУ, СӨЙЛЕМЕУ: Баланың тілін ЕРТЕ шығаратын ЛОГОМАССАЖ

06.02.2025 22:21

1 064

Оның көмегімен дыбыстау мүшелерінің байламдары мен дауыс жақсарады, тұтығудан айығады.

Логомассаж – сөйлеу аппаратының бұлшықеттеріне механикалық әсер етудің белсенді әдісі. Бұлшықет тонусының бұзылуы бар жағдайларда қолданылады.

Бала тіліне үй жағдайында логопедиялық массаж жасау өте пайдалы. Оның көмегімен дыбыстарды айтуы жақсарады, тұтығудан айығады. Дыбыстау мүшелерінің байламдары мен дауыс жақсарады.

Тіс щеткасымен массаж

Тіс щеткасымен логомассаж жасау аздаған дайындықты қажет етеді. Ең алдымен тіс тазалауға емес, массажға арналған түрін сатып алу қажет. Қылшықтары жұмсақ болуға тиіс. Оған қосымша таңғыш дәке керек.

Массаж кезінде сілекей белсенді бөлінеді. Дәкеден бірнеше тампон жасап, сілекейді сіңіру үшін тілдің астына қойылады. Қажет кезінде, шамамен 2 минут сайын ауыстырып тұру керек.

Массаж алдында баланы босаңсыту үшін ойнатып, алдарқатып отырып белсенді байланыс, жақын қарым-қатынас орнату керек. Ән, ертегі айтуға, классикалық музыка қосуға, сүйікті ойыншықтарымен ойнатуға болады. Барынша бала өзін жайлы, қауіпсіз сезінетіндей етіңіз.

Барлық массаж жаттығуларының негізі вибрация және сипалаудан тұрады. Тіс щеткасын қатты баспай, жеңіл жасау қажет.

Үй жағдайында логопдеиялық массажды жасамас бұрын бөлмені желдетіп, ауасын тазартып алу керек. Тағы да мән беретін нәрсе – массаж қимылдары балаға ауырсыну сезімін сыйламауға тиіс.

Суретте берілген үлгілерге сәйкес, сызық бойымен жүру арқылы жасалады.

Тіс щеткасымен тілдің шеттерін түбірінен ұшына дейін жүргізу
Тіс щеткасының артқы жағымен тілдің үстінде көлденең сызықтар жүргізу
Тіс щеткасының артқы жағымен тіл үстінде түбірінен ұшына қарай тік сызықтар жүргізу
Щетканың қылшықты жағымен нүктелі жеңіл шаншу әрекеттерін жасау
Тіс шеткасының артқы жағымен тілдің ортасынан шетіне қарай қиғаш сызықтар сызу
Тілдің орта сызығы бойынша щетканың қылшықты жағымен жоғары-төмен жылжыту
Тілдің орта сызығы бойымен шетканы айналдыра отырып басу
Тіс щеткасының қылшықты жағымен тілдің екі шетінде ирек сызықтар жасау
Шетканың сыртқы жағымен тіл үстін сипалау

Логомассажды аптасына 2-3 рет жасау жеткілікті. Бастапқыда уақыты шамамен 5 минутқа созылады. Ал сөйлеу аппаратының дамуында айтарлықтай ақауы бар балаларға жасау уақыты алғашқы сеанстарда 1-2 минуттан аспағаны абзал. Жаттығу уақыты мен қайталау санын біртіндеп арттыру қажет.

Қарсы көрсетілімі бар

Логопдеиялық массаждың қарсы көрсетілімдері бар. Ата-ана олармен таныс болуға әрі балада бар-жоғын анықтауға міндетті. Егер қарсы көрсетілім белгісі уақытша болса, ол өтіп кеткен кезге дейін күту қажет болады.