31 жастағы ұлы отбасылық жанжал кезінде анасын соққыға жыққан.
ERNUR.KZ. Ақмола облысындағы Аршалы ауданында 31 жастағы ер адам 71 жастағы анасын ұрып тастаған, деп жазады Stan.kz.
22 тамызда аудандық аурухана қызметкерлері полиция бөліміне қабылдау бөліміне егде жастағы әйелдің жүгінгені туралы мәлімдеген. Зейнеткерге төбе аймағының соғылған жарақаты, оң жақтағы 9,10-қабырғалардың жабық сынуы диагнозы қойылған.
Тергеу кезінде зейнеткердің 31 жастағы ұлы отбасылық жанжал кезінде анасын соққыға жыққаны анықталған.
Аршалы аудандық полиция бөлімі Қылмыстық кодекстің 107-бабы, 1-бөлігі "Денсаулыққа қасақана ауырлығы орташа зиян келтіру" бойынша сотқа дейінгі тергеу жүргізіп жатыр.
