Жергілікті тұрғындар мұндай құбылысты алғаш рет көргендерін айтып, әлеуметтік желілерде қызу талқылап жатыр.
Фото: Видеодан скрин
ERNUR.KZ. Алматы облысы Жаркент тұрғындары аспанда көрінген отты шарды видеоға түсіріп алды. Жарқ еткен шарды көріп, халық қатты шошыған, деп жазады stan.kz.
Жергілікті тұрғындар мұндай құбылысты алғаш рет көргендерін айтып, әлеуметтік желілерде қызу талқылап жатыр.
Куәгерлер түсірген кадрларда Жаркент үстіндегі түнгі аспанда белгісіз ұшатын объектің ұшып бара жатқаны анық көрінеді.
Оқырмандар түрлі болжам жасап, кейбіреулер бұл Байқоңырдан ұшырылған зымыран тасығыштың қалдықтары деп санаған. Енді біреулері қалжыңдап, мұны "Веномның" немесе Marvel кейіпкерлері "қонақ" болып келді деп жазған.
"Жанып жатқан ұшақ сияқты көрінеді", "Тони Старк басқа ғаламға түсіп кеткен шығар", "Метеорға ұқсамайды, жерден шыққан техника болуы мүмкін", – деп қолданушылар жарыса жазды.
Еске салайық, бұған дейін алматылық фотограф Дмитрий Доценко 13 қазан кешінде ауа райы қолайлы болып, кометаны түсіріп алуға мүмкіндік алғанын айтады. Бұл комета 2023 жылдың қаңтар айында Қытайдың Цзыцзиньшань обсерваториясында ашылған еді. Фотографтың айтуынша, енді бір жарым жылдан кейін ол Жерге жақындап, түнгі аспанда көрінетіндей болады.
