Алматыда Әл-Фараби даңғылында сағатына 230 шақырым жылдамдықпен жүрген азамат іздестіріліп жатыр

Фото: видео кадрларынан скрин

ERNUR.KZ. Желіде Әл-Фараби даңғылында сағатына 230 шақырым жылдамдықпен жүрген көліктің видеосы тарады. Ол үш есе тез айдап, қауіп тудырған, деп жазады stan.kz.

Instagram кадрларында жүргізуші сағатына 80 шақырым жылдамдықпен шектелген ережені елемегені көрінеді.

Алматы қаласының полиция департаменті жүргізушіні іздеп жатқанын жеткізді.

"Жол қозғалысына қатысушыларға қауіп төндірген қасақана ереже бұзушы міндетті түрде анықталып, жауапқа тартылады. Алматы полициясы "Заң және тәртіп" қағидатын іске асыру туралы еске салады. Сондай - ақ жүргізушілер мен жаяу жүргіншілерді жол көлік ережесін сақтауға шақырады", – деп атап өтті Алматы қаласы полиция департаментінің баспасөз хатшысы Салтанат Әзірбек.