Алматыда бетон араластырғыш көлік биіктен сырғанап кетіп, жеке үйді талқандады

ERNUR.KZ. Алматының Медеу ауданында орналасқан Камен үстірті ықшам ауданында 13 қыркүйекте төтенше жағдай орын алды: бетон араластырғыш жүк көлігі шатқалдан сырғанап, төмендегі жеке үйдің үстіне түсті, деп жазады Zakon.kz.

Оқыс оқиға "Шакман" маркалы жүк көлігінің іргелес учаскеде фундамент құю үшін сумен араластырылған цементті төгіп жатқанда болды.

Белгілі болғандай, бетон араластырғыш шамамен жеті текше метр бетон жеткізген, оның екі текше метрі қалған кезде күтпеген жерден көлік төмен қарай сырғанай жөнелген

Жүк көлігінің тартқыш тежегіші тартылған, оның үстіне доңғалақтар астына беріктік үшін тастар қойылған. Соған қарамастан ол Қайнармет көшесі бойымен төменге ылдилап, төменге жеткенде бір жағына қарай бұрыла аударылып, жеке үйді қиратты.

Сурет: Zakon.kz

Қатты соққы салдарынан құрылыс нысаны іргетасымен қоса толығымен дерлік қирады. Бақытқа орай, оқиға болған кезде иесі саяжай ретінде пайдаланған үй бос тұрған. Үй иесі осы күні саяжайға келмек болғандарын, бірақ бір себептермен жолға шыға алмағандарын айтты. Оқиға орнында Алматы қаласының жол полициясы мен құтқару қызметінің қызметкерлері жұмыс істеді.