2023 жылғы 15 шілдеге дейін ұзартуға санкциясы берілді.
ERNUR.KZ. Алматыда әйелдің басын кесіп тастаған күдіктінің қамауға алу мерзімі ұзартылды, деп жазады Tengrinews.kz.
"Алматының мамандандырылған ауданаралық тергеу сотының 2023 жылғы 5 маусымдағы хабарламасы бойынша, соттың қаулысымен сотқа дейінгі тергеу органының өтінішхаты қанағаттандырылды және И есімді ер адамға қатысты қамауда ұстау мерзімін үш айға дейін, 2023 жылғы 15 шілдеге дейін ұзартуға санкциясы берілді", - делінген хабарламада.
Еске салайық, осы жылдың 12 сәуірінде Алматыдағы базарға белгісіз ер адам әйелдің басы салынған сөмкені қалдырып кеткен болатын. Оқиға Станкевич көшесіндегі Алматы-1 базарында болды. Полицияның мәліметінше, әйелдің денесі Шолохов көшесіндегі саябақтан табылған.
24 сәуірде полиция 1962 жылы туған күдікті ер адамды ұстағаны белгілі болды. Күдікті марқұм әйелмен бірнеше күннен бері таныс екені, ал қылмысты олар сөзге келіспей қалған сәтте жасаған болуы мүмкін екені анықталған.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
