Алматыда "кәсіпті дамытуға көмектесемін" деп алдаумен айналысқан ер адам ұсталды

ERNUR.KZ. Алматы қаласының полиция департаметінің баспасөз қызметі Алматы полициясы 35 жастағы ер адамды алаяқтық жасады деген күдікпен ұстады, - деп жазады Тengrinews.kz қалалық полиция департаментінің өкілдеріне сілтеме жасап.

Алматы облысының тұрғыны қомақты сомада алаяқтық жасады деген күдікке ілініп отыр. Оның үстінен арыз түскен. Полиция қызметкерлері арызданушылардың саны көбеюі мүмкін екенін айтып отыр.

"Біздің қызметкерлер үйлесімді жұмыстарының арқасында қысқа уақытта күдіктіні анықтап, оны ұстады. Күдікті бірлесіп кәсіп жасаймыз деп адамдарды алдап, алаяқтық арқылы олардың ақшаларын жымқырған. Бірақ ол ешқандай кәсіпкер болмай шықты. Адамдардың ақшаларын жинап, оларды өз пайдасына жаратқан" - деді Медеу аудандық полиция басқармасының басшысы, подполковник Болат Тотыбаев.

Осы ұсталаған ер адамның алаяқтығынан зардап шеккендерді полиция қызметкерлері мына нөмірге хабарласуын сұрайды: 254-48-72 немесе 524-48-71.