Алматыда жасөспірім көпқабатты үйдің терезесінен секіріп кетті

ERNUR.KZ. 2005 жылғы жасөспірім Алматыдағы көпқабатты үйдің терезесінен секіріп кетті, деп жазады Tengrinews.kz.

Куәгерлердің айтуынша, оқиға кеше өрт болған "Алтын бұлақ-2" тұрғын үй кешенінің жанында болған.

Полиция өкілдері аталған дерек ҚР ҚК 105-бабы (Өзін-өзі өлтіруге дейін жеткізу) бойынша соталды тергеудің бірыңғай тізілімінде тіркелгенін хабарлады.

"Қылмыстық істі Алмалы аудандық ПБ жанындағы полиция бөлімі тергеп жатыр. Тиісті сараптамалар тағайындалды. Мән-жайды анықтауға бағытталған іс-шаралар кешені жүргізіліп жатыр", - деп хабарлады Алматы ПД баспасөз қызметіндегілер.

Суреттерді куәгерлер түсірген

Еске салайық, түнде Алматыдағы Брусиловский көшесіндегі "Алтын бұлақ-2" тұрғын үй кешенінде өрт болды, 177 тұрғын эвакуацияланды. 27 адам құтқарылды, оның 6-ы бала.