​Алматылықтар қоғамдық көлікке 1 теңге төлеп жүр

Алматылықтар қоғамдық көлікке 1 теңге төлеп жүр. Бұл туралы фейсбук әлеуметтік желісінде Әйгерім Бегімбет жазды, - деп хабарлайды ERNUR.KZ.

«Автобустарда билайнның жарнама қағазы ілінген. Онда транспорттың коды жазылған. Көрсетілген нөмірге билайн нөмірден смс жолдайсың. Сонда 1 теңгені алады да, қайтып 79 теңгеңді қайтарып береді. Бір күнде үш рет 1 теңге төлеп жүруге болады. Акция мамырдың соңына дейін. Билайн нөмір сатып алсам ба екен?» - деп жазады ол өзінің желі парақшасында.

Жарияланған бұл жақсы жаңалық көптің құлағын елең еткізіп, сұрақтар қойған. «Өзің қолданып көрдің бе?» деген сауалға парақша иесі «Оған билайн нөмір болуы керек. Менде актив пен теле 2. Қасымдағы құрбым солай жүр. Өзінің "Оңайын" маған беріп қойды» деп жауап берді.

Айта кетейік, Beeline Қазақстан осы жылдың 2 наурызынан 31 мамырына дейін акция жариялаған болатын. Акцияның шарты бойынша бұған тек Beeline тұтынушылары ғана қатыса алады. Олар осы уақыт аралығында қоғамдық көлікте бар болғаны 1 теңгемен қатынайтын болады. Бұл қызмет Beeline клиенттеріне алдын ала төлеу жолымен SMS-төлем арқылы қолжетімді.

«Жолақысын төлеу үшін автобус немесе троллейбус салонының ішінде көрсетілген көлік кодын SMS арқылы 2505 қысқа нөміріне жолдау қажет. Телефонның теңгерімінен 80 теңге шығынға жазылады, оның 79 теңгесі бірден теңгерімге кері қайтарылады. Осылайша, жолақысы 1 теңгеге тең болады. Қызметті жеңілдіктер мен оқушыларға немесе студенттерге арналған жолақы тарифтерінің болуына қарамастан, барлық санаттағы азаматтар қолдана алады.

SMS-төлем және Beeline ұсынған науқан қолданылатын маршруттар тізімі:

Автобустар: 2, 3, 4, 5, 5А, 5Б, 7, 13, 16, 17, 18, 20, 22, 23, 25, 29, 29Р, 30, 31, 32, 34, 37, 38, 38А, 45, 47, 48, 49, 50, 52, 54, 57, 59, 60, 62, 63, 63А, 65, 66, 67, 71, 72, 73, 74, 78, 79, 80, 81, 85, 92, 95, 99, 102, 104, 106, 107, 112, 118, 119, 120, 120А, 121, 123, 126, 128, 129, 135, 141 және 441.

Троллейбустар: 1, 5, 7, 9, 11, 12, 19 және 25.

SMS-төлем қолданылмайтын маршруттар тізімі: 1, 8, 12, 14, 15, 26, 28, 40, 44, 46, 56, 68, 69, 70, 77, 86, 98, 103, 115, 122, 124, 125, 127, 131, 137 және 201.

Науқан Алматы қаласының жерүсті қоғамдық көліктерімен жүру үшін ғана жарамды. SMS-төлем жасау үшін минималды теңгерім сомасы 80 теңгеден кем болмауы тиіс. Бір тәулік ішінде науқан бойынша 3 рет қана жүруге болады», - делінген beeline.kz сайтында.