"Астана біздікі" деп ұрандатып қару ұстаған жігіт сотталды

иллюстрациялық фото: ашықдереккөзден

"Астана біздікі" деп ұрандатқан жігіт сотталды. Онсыз да пробациялық бақылауда жүрген ол, енді өмірінің алдағы екі жылын түрмеде өткізеді, деп хабарлайды ERNUR.KZ Еуразия бірінші арнасына сілтеме жасап.

Анау - мынау емес, ең қатаң режимдегі абақтыда отырады. Бірақ 24 жастағы айыпталушы әлеуметтік желіге тараған атақты видео үшін емес, басқа әрекеті үшін сотталыпты. Ол тағы не бүлдірген?

Қос қолына қару ұстаған бейнежазбадағы жігіт сотта қатты қобалжыды. Пробация қызметкерлері оның 2017-де бес жылға сотталғанын, бірақ, мерзімінен бұрын босатылғанын есіне сады. Жібергенде де мемлекет 24 жастағы айыпталушыға: «кешқұрым көшеге шықпа, қылмыс жасама, ай сайын келіп тұр» деп жіберіпті. Алайда, ол атышулы бейнежазбаға түсіп, кезекті айда полицияға бармаған. Бұған сылтауы дайын екен .

«Хабарлама берем деп отырған едім. Ертең отметкаға барам деген күні телефоным бұзылып қалды. Үйдегі кішккентай балалар суға тастап жіберген», - деді.

Судъя Бағлан Идрисов 24 жастағы айыпталушыға «менің алдыма» сені атышулы бейнежазбаң емес, пробациялық ережені бұзғаның үшін әкелді деп түсіндірді. Сотталушы барлығын түсінем деді. Тіпті, соттан кешірім сұрады.

Айыпталушыны мемлекеттік қорғаушы ақтап шығаруға тырысты. Ол пробациялық қызметтің олқылығын да сот отырысында бетке басты.

«Іс құжаттарында түнде сағат 22:00-ден кейін тұрғылықты орнынан шығуға болмайды деген жазбаша түрдегі, нақты болмағаны бір себеп. Неге? Ауызша айтқанымен, жазбаша көрсетпеген», - деді Есболат Испенбетов.

Дегенмен, Байқоңыр ауданының №2 сотының судъясы Бағлан Идрисов 24 жастағы жігіт барлығын білген, мемлекет толықтай ескерткен деп шешті. Сөйтті де 2 жыл, 3 ай, 7 күнге бас бостандығынан айырды.

Айта кетейік, бұл 2017 жылы дәл осыншама мерзім өтелмей қалған еді. Сот сол уақытта бүгін оның алдына қайтарды.

«Астана қаласы Алматы ауданының №2 соты 2017 жылғы 7 маусымдағы үкімім ен Ахметжанов тағайындалған бас бостандығын шектеу өтелмеген бөлігі 2 жыл 3 ай 7 күн бас бостандығынан айыру жазасынан нақ сол мерзіміне ауыстырылсын. Сотталған Ахметжановтың жаза өтеу орны қылмыстық атқару жүйесінің барынша жоғары мекемесі белгіленсін. Қаулы заңды күшіне енгеннен бастап сотталған Ахметжановқа бұлтартпау шарасы қамаққа алу түрі қабылдансын», - деді судья.

Ссотталушы қасындағы қос досына еш жаза қолданылмағанын айтты. Сондай-ақ, ол бейнежазбадағы қару тек ойыншық болғанын тілге тиек етті.

Айта кетейік, азамат алдағы екі жылдан артық уақытын ең қатал жүйелі темір тордың ар жағында өткізбек.