Ол балабақшада жоқ балалардың атына ақша аудару арқылы қаражатты жымқырған.
ERNUR.KZ. «Алматы» ауданының прокуратурасы мемлекеттік тапсырыс шеңберінде елорда балабақшаларының біріне тексеру жүргізу барысында мектепке дейінгі білім беру саласында табельдеу арқылы балабақшаға бармаған балаларға бөлінген бюджет қаражатын ұрлау фактісін анықтады, деп жазады azattyq-ruhy.kz.
«2021 жылғы маусым мен 2023 жылғы қыркүйек айының аралығында мемлекеттік қаражатты ұрлау мақсатында өзінің қызметтік жағдайын пайдалана отырып, балабақша меңгерушісі бюджет қаражатынан негізсіз төлемдер алған. Қылмыстық әрекеттердің нәтижесінде мемлекетке 8,5 млн теңгеден астам шығын келтірілген», - делінген прокуратура хабарламасында.
Кінәлі тұлға 3 жыл мерзімге коммерциялық ұйымдарда басшылық лауазымдарды атқару құқығынан айырыла отырып, сотталды.
Залал толық көлемде өтелді. Үкім заңды күшіне енді.
