Атырау облысында Pfizer вакцинасын 76 мың адам алатынын , кейіннен балаларға емханада салынатынын хабарланған болатын.
ERNUR.KZ. Атырау облысына Pfizer вакцинасының 32 760 дозасы жеткізілді, деп жазады ҚазАқпарат.
Облыстық денсаулық сақтау басқармасының баспасөз қызметінен мәлім еткендей, вакцинаның І және ІІ компонентіне арналған дозалары бүгін, 19 қарашада облыстық фармацевтикалық қоймаға жеткізілген.
«Атырау облысына 9 қарашада вакцинаны сақтауға арналған екі мұздатқыш әкелінген болатын. Енді бүгін Pfizer вакцинасын егу басталады. Вакцина алдын ала берілген тізімге сәйкес ерікті түрде салынады. Бұл вакцинаны алу үшін тұрғылықты мекен-жайына байланысты тіркелген емханаға жүгіну қажет», - деп хабарлады басқарманың баспасөз қызметі.
Еске сала кетейік, бұдан бұрын Атырау облысында Pfizer вакцинасын 76 мың адам алатынын , кейіннен балаларға емханада салынатынын хабарлаған едік.
