"Бедеулікті емдеймін": Алматыда өзін медицина қызметкері ретінде таныстырған қылмыскер ұсталды

ERNUR.KZ. Алматыда өзін медицина қызметкері ретінде таныстырған әйел баласыздарды бедеуліктен емдеуге уәде берді, деп жазады Polisia.kz.

Іс жүзінде 1986 жылғы Н.есімді азаматша ҚХР тумасы, іздеудегі қылмыскер. Ол – бұрын сотталған.

– Біздің Алматы облысындағы әріптестеріміз алаяқтық жасағаны үшін Н.азаматшаны іздегені анықталды. Белгілі болғандай, сот билігінен жасырынып жүрген қылмыскер тағы бірнеше заңсыз әрекеттерді жасаған. Өзін медициналық мекемелердің бірінің қызметкері ретінде таныстырған ол, азаматтарға бедеулікті емдеуге және гинекология саласындағы басқа да ауыр медициналық манипуляцияларға уәде берді, ол үшін алдын-ала жомарт сыйақы талап етті. Зардап шеккендермен кездескен кезде әйел өзін “Алтынай” деп таныстырды. Ол қалай сендіру керектігін білді, сондықтан әлеуетті пациенттер қулықты сезбеді және оның шарттарымен келісті. Қазіргі уақытта күдікті қамауда. Сотқа дейінгі тергеу ҚР ҚК-нің 190 бабы бойынша жүргізілуде. Біз оны одан басқа бірқатар алаяқтық әрекеттер жасады деп күдіктенеміз, сондықтан оның бетін көпшілікке жария етеміз. Осы әйелдің әрекетінен зардап шеккен азаматтарға мына телефондар арқылы хабарласу ұсынылады: 295-54-61; 8-775-718-35-05 және 8-701-758-67-60., – деді, Түрксіб аудандық ПБ жанындағы полиция бөлімінің бастығы Ерлан Аянбаев.