Олар шамамен 46 миллиард теңгеден айырылған.
ERNUR.KZ. 2020 жылдың алғашқы тоғыз айында еліміздегі екінші деңгейлі банктердің таза табысының көлемі 669,6 млрд теңгеге жетті. Finprom.kz басылымының хабарлауынша, бұл көрсеткіш былтырғыдан 33,6%-ға көп. 2019 жылғы табыс көлемі 501,1 млрд теңге болған еді, деп жазады inbusiness.kz.
Биыл банктер қызметінің тиімділігі артып. Алғашқы үш тоқсанның қорытындысы бойынша банк секторы активтерінің табыстылығы (ROA) 3,4%-ға, меншікті капиталдың табыстылығы (ROE) 26,2%-ға дейін өскен.
Бұған қарамастан екінші деңгейлі үш банк шығынға батты. Олар шамамен 45,7 млрд теңге көлеміндегі қаражаттан айырылды.
Нұрбанк ең көп шығынға ұшырады: он айдың қорытындысы бойынша 39,3 млрд теңгеден қағылды. Бұған кредиттік шығындар бойынша банк шығыстарының артуы себеп болған.Сондай-ақ AsiaCredit Bank және Capital Bank Kazakhstan банктері де осындай қиын жағдайға тап болды: 3,4 млрд және 3 млрд тг. Қазіргі уақытта бұл банктер пруденциалдық нормативтердің 12 ай бойы орындалмауы мен несие портфеліне қатысты проблемаларды бастан кешіріп отыр.
