Ер адам мәліметтерді заңсыз жинау арқылы Қазақстан азаматтарының жеке мәліметтерін алып, ақпараттық технологиялардың көмегімен несие рәсімдеген.
ERNUR.KZ. Нұр-Сұлтанда 40 жастағы ер адам 40 адамның атынан онлайн несие рәсімдеген, - деп жазады Tengrinews.kz.
Үш күнде елордалық полицейлер Интернетте 50-ге жуық қылмыстық құқықбұзушылықты анықтаған. Оның ішінде 29 интернет-алаяқтық және 7 интернет-ұрлық деректері бар. Сондай-ақ, 14 киберқылмыскердің ұсталғаны хабарланды.
"40 жастағы ер адам ұсталды, оның 40 адамның атынан онлайн-несие рәсімдеп, алаяқтық жасағаны анықталды. Ер адам мәліметтерді заңсыз жинау арқылы Қазақстан азаматтарының жеке мәліметтерін алып, ақпараттық технологиялардың көмегімен несие рәсімдеген. Қазіргі уақытта ер адам қамауға алынып, тергеу амалдары жүргізіліп жатыр", - делінген полиция хабарламасында.
