"Қанжоса төбелес": Көкшетауда Төтенше жағдай қызметкерлері арасында жанжал шыққан

ERNUR.KZ. Көкшетауда ТЖД қызметкерлері арасындағы төбелестен кейін бір адам ауруханаға жеткізілді, деп жазады Stan.kz.

Ақмола облысы бойынша ведомствоның баспасөз қызметі мәліметінше, жанжал 16-17 қыркүйек аралығында өрт сөндіру және авариялық-құтқару жұмыстары қызметінің қызметкерлері арасында жұмыстан тыс уақытта болды.

Тұрмыстық жанжал қайғылы жағдайға алып келе жаздаған, бірақ тергеу мүддесі үшін егжей-тегжейлі ақпарат келтірілмегені атап өтілді. Жанжалдың себебі - жеке бас араздығы.

"Қызметкерлердің бірі ауруханада жатыр және оған медициналық көмек қажет болды. Жәбірленушінің өміріне қауіп төніп тұрған жоқ", - деп түсіндірді облыстық ТЖД бастығы Алексей Советов.

Аталған факті бойынша полиция департаменті сотқа дейінгі тергеу жүргізуде. Сондай-ақ ТЖД-де арнайы комиссия құрылды, ол оқиғаның барлық мән-жайын анықтайды.

"Қорытындысы бойынша кінәлі қызметкерлер қатаң тәртіптік жауапкершілікке тартылып қана қоймай, қылмыстық жазаға тартылады. Ақпаратты нақтылауға үшін қосымша хабарлайтын боламыз", - деп қорытындылады Ақмола облысы ТЖД бастығы.