"Қазақстан Инжиниринг "ҰК"АҚ Басқарма Төрағасы тағайындалды

Директорлар кеңесінің 2022 жылғы 3 наурыздағы шешімімен Әбдірахманов Теміржан Қайратұлы «Қазақстан инжиниринг» ҰК» АҚ Басқарма Төрағасы лауазымына тағайындалды, деп хабарлайды ERNUR.KZ Индустрия және инфрақұрылымдық даму министрлігіне сілтеме жасап.

Теміржан Әбдірахманов 1987 жылы Алматы қаласында дүниеге келген. Мәскеу мемлекеттік Халықаралық қатынастар институтын, Нархоз университетін, МИФИ ұлттық зерттеу ядролық университетін бітірген.

• Еңбек жолын 2008 жылы «Қазатомөнеркәсіп» ҰАК» АҚ Халықаралық жобалар және ынтымақтастық басқармасының менеджері қызметінен бастаған. 2010 жылдан 2015 жылға дейін Оңтүстік Қазақстан облысындағы "АППАК" ЖШС (Қазатомөнеркәсіп) түрлі лауазымдарда қызмет етті.
• 2015 жылдан 2017 жылға дейін «Волковгеология» АҚ (Қазатомөнеркәсіп) стратегиялық даму, маркетинг және инновациялар департаментінің директоры болды.
• 2017-2020 жылдары «Самұрық-Қазына Контракт» АҚ Бас директорының орынбасары қызметін атқарды. 2020 жылдың маусымынан бастап «Самұрық-Қазына Бизнес Сервис» АҚ Бас директорының орынбасары болып жұмыс істеді.