Қазақстанға ұшақпен келген 2 адамнан коронавирус анықталды

26.11.2020 10:10

481

1026 жолаушының 921-інде ПТР-тест нәтижесі теріс деген анықтамасы болған.

25 қарашада Қазақстан Республикасының аумағына Египет, Түркия, РФ, Корея, БАӘ, Нидерланды, Беларусь Республикасы мен Өзбекстаннан 12 халықаралық әуе рейсі келді, деп хабарлайды ERNUR.KZ Көліктегі санитариялық-эпидемологиялық бақылау департаментінің баспасөз қызметіне сілтеме жасап.

1026 жолаушының 921-інде ПТР-тест нәтижесі теріс деген анықтамасы болды. Ал Қазақстанның 105 азаматында анықтама болмады.

Оның ішінде:

Нұр-Сұлтан қаласы әуежайына - 6 рейс, 507 жолаушы, 431 - анықтамамен, 76 - анықтамасыз;

Алматы қаласы әуежайына - 5 рейс, 420 жолаушы, 391 - анықтамамен, 29 - анықтамасыз;

Атырау қаласы әуежайына - 1 рейс, 99 жолаушы, бәрі - анықтамамен.

Қазақстанға тиісті анықтамасыз келген азаматтар карантиндік стационарға орналастырылып, КВИ-ге тест тапсырды. Оның нәтижесі бойынша екі жолаушыда коронавирус анықталды, - делінген хабарламада.