Хромтауда полицей 5-қабаттан секірмек болған әйелді құтқарды

0
762

Оқиғаның мән-жайы анықталып жатыр.


Хромтауда полицей 5-қабаттан секірмек болған әйелді құтқарды

ERNUR.KZ. Хромтауда полицей тұрғын үйдің 5-ші қабатынан секірмек болған әйелді құтқарды, деп жазады Inbusiness.kz.

ҚР ІІМ баспасөз қызметінің мәліметінше, 6 қыркүйек күні сағат 20:00 шамасында 102 арнасына белгісіз әйелдің бесінші қабаттағы терезеден секіргелі жатқаны туралы хабар түсті.

Оқиға орнына тез арада кезекшілікке шыққан учаскелік полиция инспекторлары жетті.

"Үш учаскелік полиция инспекторы ұзақ ойланбастан шатырға көтеріліп, әйелмен әңгімелесіп, оны сабырға шақырды. Ал әйел жылап, өзін жайына қалдыруды сұраған. Осы сәтте полиция капитаны Райымбек Оңғарбаев өз өмірін қатерге тігіп, шатырдан балконға секіріп, әйелді құтқарып қалды", делінген хабарламада.

Қазір оқиғаның мән-жайы анықталып жатыр.