Қостанай әуежайына ресми түрде Ахмет Байтұрсынұлының есімі берілді

ERNUR.KZ. Қостанайдағы әуежайға ресми түрде Ахмет Байтұрсынұлының есімі берілді, деп жазады azattyq-ruhy.kz.

Бұл туралы ҚР Үкіметінің қаулысында мәлім етілді.

«Қостанай халықаралық әуежайы» акционерлік қоғамына Ахмет Байтұрсынұлының есімі берілсін», - делінген құжатта.

Еске салсақ, бұған дейін қаулы жобасы «Ашық НҚА» порталында жарияланған болатын. Құжат 29 сәуірге дейін қоғамдық талқылауға ұсынылды.

Ахмет Байтұрсынұлы – қазақ халқының ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері. Қазақ халқының 20 ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы, Алаш-Орда өкіметінің мүшесі.

2022 жылы А. Байтұрсынұлының (1872-1937) туғанына 150 жыл толады.