Қостанайда зейнеткер психикалық ауруханада жатқан кезде пәтерінен айырылып қалды

ERNUR.KZ. Қостанай қалалық сотында 63 жастағы мүгедек Сергей Карпухиннен күмәнді түрде иеліктен шығарылған пәтер бойынша процесс басталды, деп жазады Stan.kz.

Зейнеткер психикалық ауруханада жатқан кезде пәтерінен айырылған. Жылжымайтын мүлік екі рет сатылды, соңғы сатып алушы - Сәуле Ахметжанова, ол өзінің адал сатып алушы екенін мәлімдеді.

Өткен аптада Карпухиннің Сәуле Ахметжанова мен Александр Лептягинге қатысты талабы бойынша алдын ала сот отырысы өтті. Сотта Лептягин мен Ахметжанова арасында медиативті келісім жасалғаны белгілі болды, оған сәйкес Ахметжанова пәтерді Лептягинге қайтарады.

"Сатып алу-сату шарты өз еркімен бұзылды. Сондықтан біз жауапкер ретінде Сәуле Ахметжанованы істен шығаруға болады деп санаймыз", - деді Сәуле Ахметжанованың өкілі.

Сонымен қатар, алдын-ала сот отырысында зейнеткер азамат Койшин Азатқа сатуға сенімхат жазмағаны белгілі болды, пәтерді сол сатқан.

"Нотариус Мамедованың сенімхаты бар тіркеу нөмірі бойынша, тізілімдер кітабында Карпухинге қатысы жоқ басқа мәлімдеме бар", - деді Карпухиннің мүддесін қорғайтын адвокат Сергей Пономарев.

Басылым "полиция қылмыстық істі тергеуге асығар емес, қылмыстың нақты қатысушыларынан әлі жауап алынбағанын" хабарлады.

Сонымен қатар, мақалада бұл Сәуле Ахметжанованың осындай жолмен алған бірінші пәтері емес екені жазылған.

"Бірнеше жыл бұрын да полицияға арыз түскен, бірақ іс тоқтатылған", - деп жазды "ТоболИнфо".

Ал Сергей Карпухиннің бара жері жоқ, алдағы суық ауа-ауында не істейтінін білмейді.