Павлодар облысында оқушы мен студент суға кетіп қайтыс болды

ERNUR.KZ. Павлодар облысында оқушы мен студент суға кетіп қайтыс болды, деп жазады Рavlodarnews.kz.

Екі қайғылы жағдай да Ақсу қаласының ауылдық аймақтарында болған.

«2 шілде күні сағат 15.00-де Ақсу ауылдық аймағының Еңбек ауылы маңындағы Белая өзенінде шомылу кезінде колледждің 22 жастағы студенті суға батып кетті. Денесі табылды, сот-медициналық сараптама тағайындалды», - дейді облыстық полиция департаментінің баспасөз қызметінде.

Сол күні сағат 21.45-те Ақсу қаласы Айнакөл ауылының Көктас бөлімшесінің жанындағы Ертіс өзенінде 2005 жылы туған кәмелетке толмаған бала суға батып кетті. Денесі табылған жоқ, жасөспірімнің денесін анықтау бойынша іздестіру жұмыстары жүргізілуде.

Еске сала кетейік, 1 тамыз күні сағат 18.00-де Ақсу ауылдық аймағының Пограничник ауылында 2020 жылы туған бала ата-анасының қарауынсыз қалған. Үйінде 10 литрлік су тұрған ыдысқа құлап, батып кетті.

Сондай-ақ сол күні сағат 01.40-та Усолка өзенінен шомылу кезінде суға батып кеткен 22 жастағы жігіттің денесі табылды. Куәгерлер бар.