Павлодарда автобус аударылып, 16 адам зардап шекті

ERNUR.KZ. Оқиға орнында полиция қызметкерлері мен жедел медициналық көмек қызметкерлері жұмыс істеді, деп жазады inbusiness.kz.

Облыстық полиция департаментінің мәліметінше, Бәйет ауылы маңындағы Павлодар - Нұр-Сұлтан автожолының 139 шақырымында 40 жастағы автобус жүргізушісі көлікті басқара алмай жыраға аударылып кеткен.

"Медициналық көмекке 16 адам жүгінді. Автобус жеке компанияларға тиесілі. Павлодардан Атырау қаласына жолаушылармен шыққан. Олардың 29-ы вахталық әдіспен жұмыс істейтіндер, екеуі - жүргізуші", - дейді департаментте.

Айта кетсек, 103 желісіне ірі жол-көлік оқиғасы туралы хабарлама бүгін, 26 шілде күні сағат 12:38-де түскен. Көлікте барлығы 32 адам болған.