Қабір қазуға көмектесу үшін зиратқа кеткен Асхат Әлжановтың денесі бір аптадан кейін өз үйіне жақын жерден табылған.
ERNUR.KZ. Шығыс Қазақстан облысы Бүкенші ауылының тұрғыны із-түзсіз жоғалып кеткен болатын, деп жазады sputniknews.kz.
Айта кетейік, өткен аптаның соңында "Volontery_semey_Lider.kz" қозғалысының белсенділері "Семей қаласына іргелес Бүркенші ауылының тұрғыны жоғалды" деген ақпарат таратқан еді. 36 жастағы Асхат Әлжанов 7 ақпанда қабір қазуға көмектесу үшін зиратқа кеткен. Содан бері оны ешкім көрмепті.
Үш күннен кейін Асхаттың анасы полицияға арыз жазып, ұлының жоғалғаны жайында хабарлаған.
"14 ақпанда ер адамның өлі денесі өз үйіне жақын жерден табылды. Визуалды тексеріс кезінде зорлық-зомбылықтың іздері анықталған жоқ. Алдын ала болжамға сәйкес, ол суықтан қайтыс болған. Сараптама тағайындалды", - дейді полицейлер.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
