Стати Нью-Йорк сотына Қазақстанға қарсы берген арызын қайтарып алды

ERNUR.KZ. Әділет министрлігі 12 қарашада Анатол Стати, Габриэль Стати, Ascom Group S.A. пен Terra Raf Trans Traiding Ltd. («Стати») Нью-Йорк сотында Қазақстан Республикасына қарсы арызын өз еріктерімен қайтарып алғанын жария етті, деп жазады ҚазАқпарат.

Стати арызды 2017 жылдың маусым айында берген болатын. Осы талап-арыз бойынша Стати Нью-Йорк сотынан Швед апелляциялық сотының 2016 жылдың желтоқсанындағы шешімін орындауды сұраған.

Статидің сотта екі шағымы болды. Біріншісі - шамамен 500 миллион АҚШ доллары көлеміндегі төрелік шешімді орындау. Екіншісі - Швециядағы шамамен сот ісіне кеткен 3,5 млн АҚШ долларын алу», - деп хабарлайды Әділет министрлігінен. Статиге жауап ретінде 2017 жылдың қыркүйегінде Қазақстан Республикасы Нью-Йорк сотынан істі заңды тұрғыда деп негізсіз танып, балама ретінде істі тоқтата тұруды сұрап, өтініш берді. 2018 жылдың қыркүйегінде Нью-Йорк соты Вашингтонда (Колумбия округі) Қазақстан Республикасының аппеляциялық өндірісіне дейін сот процесін тоқтатты. 2019 жылдың қазан айында Нью-Йорк соты Вашингтонда апелляциялық іс жүргізу аяқталғанын ескере отырып, тараптардың істі қарауды жалғастыруға ниеті бар-жоғын түсіндіріп, 2019 жылдың 15 қарашасына дейін бірлескен хат жіберуді бұйырған.

«Нью-Йоркте Республиканы қолдайтын аргументтердің бірі - Швециядағы шешімнің алаяқтық жолмен алынғаны еді. Істің мәртебесі туралы бірлескен хатта Республика соттан Қазақстанның бұл істі тоқтату туралы ертерек өтінішін қарауды сұрамақ еді. Егер бұл өтініш қабылданбаса, Республика өзін қорғау үшін Швециядан алаяқтық жолмен алынған шешімді іске қосуды жоспарлаған. Нәтижесінде, Қазақстан Республикасы Статиден ақпаратты ашу құқығын алар еді», - делінген Әділет министрлігінің хабарламасында.

Стати өз кезегінде, сотқа істің мәртебесі туралы бірлескен хатты талап етудің орнына, оның талаптарын біржақты түрде қабылдамай қойған. Осылайша, ол Қазақстан Республикасының Нью-Йорк сотымен істі тоқтату туралы өтінішін қарауына қатысудан, сондай-ақ Статидің алаяқтығы туралы Қазақстан Республикасы көтерген сот ісіне қатысудан жалтарған.

Бұдан бұрын хабарланғандай, 2017 жылдың маусым айында Англияның Жоғарғы Соты 22 беттен тұратын «арбитраждық шешімнің алаяқтық жолмен алынғандығы туралы дәлелді дәлелдемелер бар» деген негізді қорытынды барын, сол себепті бұл мәселе жеке сот отырысында қаралуы керек деген қорытынды шығарған. Жауап ретінде Стати Англиядағы төрелік шешімді орындау туралы өзінің талап-арызын қайтарып алған. Бірақ, ол бұл елде сот ісін жүргізуді ешқашан бастамауға міндеттеліп, республикаға маңызды сот шығындарын төлейтін болған.

Қазіргі уақытта Республика Бритиш, Нидерланды және Люксембургті қоса алғанда, бірнеше юрисдикцияларда алаяқтық бойынша сот ісін жүргізуде. Республика Статидің алаяқтық фактілері, соның ішінде Статидің бұрынғы бас қаржы директоры Артур Лунгу мырзаның жауабын ұсынып отыр.

Әділет министрлігі Нью-Йорк сотының қорытынды құжатының көшірмесін сайттарында жариялады.