Назарбаев Зияткерлік мектебінің оқушысы АҚШ-тағы бірнеше ЖОО-ға құжаттарын жіберген. Гарвард, Стэнфорд, Колумбия және Калифорния технологиялық институттары оны қабылдауға әзір екендерін жазған.
фото: Казахстан - taldykorgan-online.kz
Талдықорғандық оқушы Антон Моргунов АҚШ-тың бес бірдей үздік университетіне түсті, деп хабарлайды Baq.kz ақпарат агенттігі NOVACITY.KZ порталына сілтеме жасап.
Назарбаев Зияткерлік мектебінің оқушысы АҚШ-тағы бірнеше ЖОО-ға құжаттарын жіберген. Гарвард, Стэнфорд, Колумбия және Калифорния технологиялық институттары оны қабылдауға әзір екендерін жазған. Сондай-ақ, ол өткен жылдың желтоқсан айында Массачусетс технологиялық институтының грантын ұтып алған-ды. Оқушы әзірге қай университетте оқитынын таңдамағанын айтады.
«Дәл қазір мен таңдау жасауға қиналып тұрмын – Гарвард, Стэнфорд, Колумбия, Калтех және MIT. Бірнеше айды осы ЖОО-ларға талдау жүргізуге арнаймын. Бірақ, менің таңдауым негізінен климат, орналасқан аймағы, қандай да бір орталықтарға жақын болуы сынды майда-шүйделерге байланысты болмақ. Академиялық жағынан алып қарасақ, олардың барлығы бірдей керемет. Сондықтан таңдауым студенттік ұйымдардың нюанстарымен де байланысты болмақ», - деп жазады оқушы өзінің жеке блогында.
Антон Моргунов соңғы екі жылда химия пәні бойынша түрлі олимпиадада жеңіске жеткен. 51-ші Халықаралық Менделеев олимпиадасында алтын алды. 2015 жылы оқушы Қазақстанда алғашқы ғылыми-танымдық «Квазар» журналының негізін қалады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
