Тікелей эфир барысында түкірген депутат көпшіліктің сынына қалды (видео)

0
622

Депутаттың бұл әрекетіне қатысты желі қолданушылары пікір қалдырып, сынға алды.


Тікелей эфир барысында түкірген депутат көпшіліктің сынына қалды (видео)

ERNUR.KZ. Әлеуметтік желіде мәжіліс депутаты Ерлан Сайыровтың телеарналардың біріне сұрақтарға жауап беру кезінде түкірген видеосы тарады. Көп ұзамай депутаттың өзі бұл жағдайға қатысты пікір білдірді, деп жазады stan.kz.

Ерлан Сайыров "Хабар 24" арнасына елдегі жылу-электр орталықтарындағы мәселелерге қатысты сұрақтарға жауап берген. Тікелей эфир барысында депутаттың түкіргені де камераға түсіп қалған.

Депутаттың бұл әрекетіне қатысты желі қолданушылары пікір қалдырып, сынға алды.

"Халыққа деген қарым-қатынасын көрсетті", "Мұндай әрекет үшін заң бойынша айыппұл қарастырылған", – деп жазды желі қолданушылары.

Ал Ерлан Сайыровтың өзі бұл жағдайдың қақаған аязда және адам жоқ жерде болғанын айтып, ақталды.

"Біріншіден, қауымнан, егер қолайсыз жағдайға қалдырсам, кешірім сұраймын.Екіншіден, кеше кешке Екібастұзда өте аяз болды, далада тұрғандықтан осындай жағдай болды. Далада төрт-бес сағат жүрдік, ТЭЦ-қа бардық, сол кезде тамағым құрғап кеткен болуы керек. Біз қоғам алдында әрбір қадамымыз үшін жауап беріп, азаматтарға жүріс-тұрысымызды түсіндіріп отыруымыз қажет деп есептеймін.Тағы да қолайсыздық үшін кешірім сұраймын! Мен ел алдында әрқашан ашық болуға тырысамын”, – деп жазды.