Тұрғын үйде жалпы 46 адам тұрған. Жарылыс кезінде 35 адам болды.
ERNUR.KZ. Қарағанды облысының денсаулық сақтау басқармасы Ботақара кентінде газ жарылысы салдарынан үйіндінің астында қалып, зардап шеккендердің жағдайы туралы айтып берді. Бір науқас аса ауыр халде жатыр, деп жазады inform.kz.
Тұрғын үйде жалпы 46 адам тұрған. Жарылыс кезінде 35 адам болды.
Апаттық-құтқару жұмыстары кезінде үйінділерден қаза тапқан 2 адам және жарақат алған 5 адам, оның ішінде 3 бала шығарылды.
«Аймақтың медициналық мекемелеріне бес зардап шеккендер, оның ішінде үш бала жеткізілді. Екі бала амбулаториялық емделуге жіберілді, бір бала облыстық балалар клиникалық ауруханасына қанағаттанарлық жағдайда жеткізілді. Екі ересек пациенттің біреуі өте ауыр жағдайда (80% күйік шалған), екіншісінің жағдайы қанағаттанарлық. Пациенттерге барлық қажетті медициналық көмек көрсетіліп жатыр», - деп мәлімдеді Қарағанды облыстық денсаулық сақтау басқармасы.
Психолог мамандардың көмегін қажет еткен 25 тұрғынға шұғыл психологиялық көмек көрсетілді.
Еске сала кетейік, Бұқар Жырау ауданының Ботақара кентінде 30 қаңтар сағат 00:07-де екі қабатты 12 пәтерлі тұрғын үйдің екінші қабаттағы пәтерінде цилиндрлік газ жарылды. Пәтердің үстіндегі шатыр, қабырғалар мен едендер, соның ішінде бірінші қабаттағы пәтерлер толығымен құлады. Сонымен қатар басқа пәтерлер де ішінара зақымдалған.
Құтқару жұмыстарына 139 адам және 32 техника жұмылдырылды. Қазіргі уақытта апаттық-құтқару жұмыстары аяқталды.
Оқиға орнында жедел штаб ашылды. Қарағанды облысының ТЖД-да (8-7212) 51-72-23 нөмірі бойынша жедел желі телефоны ашылды.
