Түрмеден қашқан қылмыскер ұсталды

Қостанай облысында түрмеден қашқан қылмыскер төрт күннен соң ұсталды, деп хабарлайды ERNUR.KZ. sputniknews.kz сайтына сілтеме жасап.

25 жастағы сотталған азамат 6 маусымда еркін жүріп-тұру мүмкіндігін пайдаланып, жұмыс орнынан кетіп қалған.

"Алау" басылымына облыстық қылмыстық-атқарушы жүйе департаменті баспасөз қызметі хабарлағандай, жедел іздеу шаралары барысында қылмыскер 10 маусымда кешкі сағат 8 кезінде ұсталыпты.

Сотталған ер адамды жазасын әрі қарай өтеу үшін УК-161/11 колониясына жеткізді.

Аталған дерек бойынша сотқа дейінгі тергеулер басталды, соған сәйкес жазасына тағы екі жыл қосылуы ықтимал.