Ұзынағаштағы атыс: әкімдік видеоға қатысты пікір білдірді

Әлеуметтік желіде Ұзынағаш ауылындағы атыстың видеосы жарияланды.

Алматы облысы әкімдігінің баспасөз хатшысы Жанна Арынбекова , 2024 жылғы 16-25 қыркүйек аралығында Жамбыл ауданында әскери міндеттілерді даярлау және қайта даярлау бойынша тактикалық-арнайы оқу-жаттығулар өткізілетінін хабарлады.

Оқу-жаттығулар "Қазақстан Республикасының Қорғаныс және Қарулы Күштері туралы" Заңның және "Әскери қызмет және әскери қызметшілердің мәртебесі туралы" Заңның, Алматы облысы әкімдігінің және аумақтық қорғаныс бригадасының жұмылдыру дайындығы жөніндегі негізгі іс-шаралар жоспарының, сондай-ақ Алматы облысы әкімдігінің қаулысының негізінде ұйымдастырылған.

"Оқу-жаттығуларға Алматы облысы Жамбыл ауданы аумақтық қорғаныс бригадасының басқармасында, батальон басқармасында және аумақтық қорғаныс батальонының күзет ротасында тіркелген әскери міндеттілер қатысады. Оларға барлығы 90 адам жұмылдырылды", - деді Жанна Арынбекова.

Жаттығулар жұмылдыру дайындығын қамтамасыз ету мақсатында өткізіледі. Жаттығулар әскери дайындық шараларын қамтиды.