ДОС БОЛУда өзің білуің тиіс бірнеше ҚАҒИДА бар

көрнекілік: telegra.ph

Достар – біздің өміріміздің маңызды бөлігі. Олар сені қолдайды, бірге қуанады, қиын сәттерде жаныңда болады. Бірақ сенімді достар табу оңай емес. Әсіресе, мектеп кезінде. Бұл мақалада сенімді достарды қалай табуға болатыны жайлы айтатын боламыз.

1. Ашық бол

Достар табудың бірінші қадамы – адамдармен ашық және шынайы болу. Өз ойыңды, сезіміңді еркін бөліс. Ашықтық – сенімің кілті. Өзгерістер мен жаңа адамдармен танысуда қорықпа. Мысалы, жаңа сыныптастармен немесе топтасыңмен сөйлесуді өзің баста.

2. Ортақ қызығушылықтар табу

Сенімді достар табудың бір жолы – ортақ қызығушылықтар мен хоббилердің болуы. Спорт, музыка, кітаптар немесе өнер – қызығушылықтарың бірдей адамдарды табуға көмектеседі. Мысалы, егер сен футболды жақсы көретін болсаң, спорт секциясына қатысып, сол жерден достар табуға болады.

3. Сенім және адалдық керек

Сенімді дос болу үшін бір-біріңе адал және сенімді болу маңызды. Егер сен біреуге көмек көрсете алсаң, көмектесуге тырыс. Аянып қалма. Адалдық – қарым-қатынастың негізі. Өзара қолдау көрсету, айтқан уәдеңді орындау – достықты нығайтады.

4. Кездесулер мен іс-шаралар

Танысуды жеңілдету үшін түрлі кездесулер мен іс-шараларға қатысуға тырысыңыз. Мысалы, мектептегі клубтарға, спорттық шараларға немесе шығармашылық жобаларға қосылу арқылы жаңа достар табуға болады. Осындай іс-шараларда адамдармен танысу оңай, ал ортақ қызығушылықтар достықты нығайтуға көмектеседі.

5. Кешірімді бол

Достар арасында түсініспеушіліктер мен жанжалдар болуы мүмкін. Сондықтан, кешірімді болу маңызды. Егер досың қатесін мойындаса немесе бір нәрсені дұрыс істемесе, оны ә-кінәлама. Бұл сендердің достықтарыңды нығайтады.

6. Сенімді достар үшін уақыт бөл

Сенімді дос табу үшін уақыт жұмсау қажет. Достармен бірге көңіл көтеру, уақыт өткізу – достықты нығайтуға көмектеседі. Досыңмен бірге саяхатқа шыққан немесе киноға барған – естен кетпес сәттерге толы болады.

Сенімді дос табу – бұл ұзақ процесс, бірақ оның нәтижесі өте бағалы. Ашық болу, ортақ қызығушылықтарды табу, адалдық, кешірімді және достарға уақыт бөлу – осының бәрі сенімді достар табуға көмектеседі.

Достық – екі тараптың да еңбегін қажет етеді. Сондықтан, достарыңызбен тығыз қарым-қатынаста болуды ұмытпаңыз әрі оларды бағалаңыз!