2021 жылы табиғи газбен қамту көрсеткіші 93,0 пайызға жетті.
Шымкент қаласында 2021 жылы табиғи газбен қамту көрсеткіші 93,0 пайызға жетсе, 2022 жылы 94,7 пайызға ұлғайту жоспарлануда, деп хабарлайды ERNUR.KZ.
Қала әкімі Еңбекші ауданының II сектор аумағы тұрғындарымен кездесуде осы бағыттағы жұмыстарды баяндап, алдағы жоспарлардан хабардар етті.
Атап айтқанда, өткен жылы Бадам тұрғын алабында (195 орам) 331 абонентке табиғи газ жүйесінің құрылысы аяқталды. Биыл 13 тұрғын алапта – Тоғыс, Жыланбұзған, Елтай, Айнатас, Қарабастау, Жұлдыз, Жалын, Бадам, Қаратөбе, Оңтүстік-Жаңақұрылыс, Бадам, Бадам-2 және Оңтүстік елді мекендерінде табиғи газбен қамтылмаған жаңақұрылыс аумақтағы 6149 абонентке ЖСҚ әзірленеді. Қазіргі таңда бұл бағытта тиісті жұмыстар жүргізілуде.
Жалпы қалада 2023 жылы 8, 2024 жылы 12 елді мекен табиғи газбен толық қамтылып, 2025 жылы бұл көрсеткіш 100 пайызға жетеді деп күтілуде.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
