COVID-19: Шымкентте 9 мектеп карантинге жабылды

1 қаңтар мен 2 ақпан аралығында Шымкентте 39 оқушыдан COVID-19 анықталды, деп хабарлайды ERNUR.KZ.

2020 - 2021 оқу жылының басынан мектеп оқушылары арасында коронавирустық инфекцияның 64 жағдайы тіркелген.

Шымкент қаласының санитариялық-эпидемиологиялық бақылау департаменті КВИ-дің барлық тіркелген жағдайлары бойынша эпидемиологиялық тексерулер жүргізген. Тексеру нәтижесінде, КВИ анықталған 64 оқушының 18-і оффлайн режимде, ал 46 оқушы онлайн оқығаны анықталды.

Департамент тарапынан COVID-19 таралуын болдырмау мақсатында барлық қажетті эпидемияға қарсы іс-шаралар, оның ішінде індет анықталған мектептерде қорытынды дезинфекция жүргізілген. Оқу жылы басталғалы 17 мектепте 14 күндік карантин жарияланған.

Қазіргі таңда Шымкент қаласының 9 мектебінде карантин жарияланған. Олар - №18, №6, №66, №104, физика-математика бағытындағы Назарбаев Зияткерлік мектебі және «Байтерек» мектебі, №1, №22 және №35 мектептер.