«Onlain.kz» платформасы арқылы 15 578 педагог курстан өтті

Шымкент қаласында 752 білім беру ұйымында 26 708 педагог қызмет етеді.Оның ішінде, 133 мемлекеттік мектептегі педагогтар саны – 15 578, деп хабарлайды ERNUR.KZ.

Бүгінде олардың 14761-і жаңартылған білім беру бағдарламасы аясында біліктілігін арттыру курстарынан өткен. Сонымен қатар, оқытушылар «Өрлеу» арқылы 8 288-і курстан өтті.

Одан өзге, «Цифрлы Қазақстан» мемлекеттік бағдарламасы шеңберінде 4 500 мұғалім тегін оқыту курстарынан білім алған.

Сондай-ақ, мектептерде 190 ұстаз робототехника курсын, 200 информатика пәні мұғалімі жаңа форматта және 240 мұғалім 3D принттинг курсын тәмамдаған.

Маусым - шілде айларында қашықтықтан оқыту жүйесі бойынша жалпы 4879 педагог оқытылған. Ал тамызда «Onlain.kz» платформасы арқылы қашықтықтан оқыту жүйесінде жалпы 15 578 педагог курстан өткізілді.